Bes Kallaku ishte i ftuar sot në emisionin “Dita ime” ku foli për marrëdhënien e tij me bashkëshorten, si dhe impenjimet e reja në karrierë. Gjatë kësaj interviste Besi është vënë në siklet nga Zogu i Tiranës, Hermes Nikaj, i cili e pyeti se si do të reagonte ai po ta tradhtonte Xhensila. Pasi u mendua pak Besi u përgjigj kështu:
“E para nuk e konceptoj fare që diçka e tillë të ndodhë. Por nëse ndodh do të veproj siç bëjmë ne nga Fushë Kruja, do ta merrja në makinë dhe…por bëj shaka pasi realisht nëse do të ndodhte secili në jetën e vet në planet e veta, megjithatë e theksoj se nuk e konceptoj diçka të tillë.”
Besi dhe Xhensila kurorëzuan dashurinë e tyre me një dasmë madhështore në muajin shtator. Aktualisht Besi është duke shijuar suksesin e këngës “Skifterja e zemrës”, ndërsa pritet që të jetë një ndër prezantuesit e “Kënga Magjike”.
