Ata u ndanë nëntorin e kaluar.
Por si duket The Weeknd dhe ish-e dashura, Bella Hadid, mund të ribashkohen sërish, pasi romanca e tij me Selena Gomez mori fund në tetor.
27-vjeçari u pa duke lënë apartamentin e modeles në Nju Jork, mbrëmjen e vonë të së martës, para se të vraponte për të hipur në një makinë që po e priste jashtë.
I përkulur sikur po shmangej nga kamerat, reperi kishte telefonin e tij në vesh gjatë gjithë kohës.
Ai dhe modelja 21-vjeçare filluan të takoheshin në fillim të vitit 2015, por bënë një pushim në dhjetor të të njëjtit vit, duke i kaluar pushimet veç e veç.
Ata u rikthyen së bashku shumë shpejt dhe dolën bashkë në tapetin e kuq në shkurt 2016 në Grammy Awards.
Megjithatë, duket sikur atat u ndanë për mirë në nëntor dhe The Weeknd u lidh më Selena Gomez.
Ndërkohë, Selena, 25 vjeç, është rikthyer me dashurinë e saj të vjetër, Justin Bieber.
Një burim tha për “People”, se dyshja duan ta mbajnë marrëdhënien e tyre sa më “private” dhe që ata janë ‘të lumtur’.
