Viti ende nuk ka mbaruar, por deri më tani, numërojmë mbi 10 ndarje të çifteve të njohura të ekranit shqiptar, që kanë tërhequr vëmendjen me historitë e tyre të dashurisë. Më poshtë do të shihni se cilat janë ndarjet më të bujshme të çifteve shqiptare për vitin 2017.
Albi Nako dhe Klaudia Pepa
Albi Nako dhe Klaudia Pepa ishte dyshja më e përfolur në muajt e fundit, pas divorcit dhe deklaratës së balerinës, e cila e quajti ish-bashkëshortin “vëllai i madh”. Ata janë ndër të paktit çifte që ruajnë marrëdhënie të mira dhe ende komunikojnë me njëri-tjetrin. Albi rrëfeu në emisionin “Rudina” se pavarësisht të gjithave, Klaudia do të mbetet gjithmonë në zemrën e tij. Duke folur për arsyen e ndarjes, koreografi është shprehur: “Shumë njerëz e akuzuan Klaudian si karrieriste. Por unë as që kisha ndërmend t’u përgjigjesha. Mund të them vetëm një gjë. Pas “Amici-t”, Klaudia ka kërkuar të bëjë fëmijë me mua. Isha unë ai që, duke menduar për karrierën e saj, nuk pranova. Kjo është e vetmja e vërtetë e madhe. Pastaj erdhën edhe gjëra të tjera, por që i dimë vetëm unë dhe ajo. Ndodhi në mënyrë graduale, jo se ndodhi menjëherë. Por ne do të jemi gjithmonë në kontakt për gjithçka, dhe asgjë s’ka për të ndarë.”, rrëfeu Albi Nako.
Hueyida El Saied dhe Michael Tamisier
Ish-balerina, shumë e dashur për publikun shqiptar rrëfeu para një jave se, pas 5 vitesh bashkëjetesë u nda nga bashkëshorti i saj Mishelli. Shkaku i kësaj ndarjeje ishte tradhtia. “E thash tani që jam ndarë, por tashmë mami do të më ‘vrasë’.”: tha Hueyda duke treguar se e ëma e kishte porositur që të mos e tregonte tradhtinë e bashkëshortit kur të vinte në Shqipëri. Duke treguar se u nda si shkak i tradhtisë së burrit, Hueyda rrëfeu se ishte ndjerë shumë keq në atë kohë. “Dy javët e para qava, pastaj thashë unë duhet të mbledh veten, nuk jam as e para as e fundit, jeta vazhdon… Mua ai më ka dhuruar gjënë më të bukur në botë që është Gabrieli, dashuria mbaron, prandaj e falënderoj dhe Mishelin se shih si jam bërë unë tani”, tregoi Hayeda El Saied.
Angelina Shala dhe deputeti Haxhi Shala
Edhe pse deputeti kosovar ishte i martuar, këngëtarja nuk e ka mohuar aspak këtë lidhje dhe e ka bërë publike duke publikuar vazhdimisht foto me të në rrjetet sociale. Angelina Shala, e cila me profesion është këngëtare dhe jeton në Gjermani, zbuloi para dy muajsh se është në lidhje me deputetin Haxhi Shala. Angelina vijonte me deklaratat e dashurisë dhe madje bëri tatuazh për të. Por pas gjithë dedikimeve ajo mori një vendim të papritur duke deklaruar se gjithçka ka marrë fund. Angelina ka publikuar një foto në “Instagram” ku shkruan: “Ndoshta dhemb shumë, por fundit i them fund”, duke lënë të kuptohet se ka hequr dorë nga Haxhi Shala.
Beatrix Ramosaj dhe Ervi
Ndarja e Beatrix Ramosajt nga partneri i saj Ervi erdhi kaq papritur. Këngëtarja vendosi të mos zbulonte detaje për arsyen e ndarjes, edhe pse u pyet vazhdimisht. Pavarësisht vendimit ajo është shprehur se ruan sërish respekt për ish-partnerin. Megjithatë kënga e saj më e fundit, “Pa ndjenjëë”, u tha se iu dedikua ish-it. Skenat e nxehta të këngëtares me balerinin Kris Dalipi, u përfolën edhe për një gjë më shumë se shoqëri mes dyshes, por këto mbetën në kuadrin e thashethemeve dhe aktualisht, këngëtarja njihet si single.
Françeska Jaçe
Ish-banorja e “Big Brother”, Françeska Jaçe, i ka dhënë fund fejesës me biznesmenin. Para pak muajsh, përveç projekteve të reja në modë, fotove artistike me bikini, Françeska foli gjatë intervistës në emisionin “Rudina” edhe për statusin aktual sentimental. Pyetjes nëse ka ndonjë dashuri në jetën e saj, iu përgjigj: “Siç e shihni e kam hequr unazën e fejesës nga dora e majtë. Jam “single” dhe ngaqë udhëtoj shumë, kam vendosur që të hap biznesin tim, që do të jetë një agjenci udhëtimesh”. Pushimet e fundit me biznesmenin 10 vite më të madh ishin ato në plazhin e Marbella të Spanjës. Miq të afërt të çiftit pohuan se, lidhja e tyre ishte shumë e fortë, dhe përfundoi me ndarje për shkak të xhelozisë. Gjatë kohës që ishin të lidhur, ata bashkëjetonin mes Tiranës dhe Milanos.
Big Mama
Të gjithë mendonim se do të kishte dasmë këtë vit, por këngëtarja e njohur Big Mama, pohoi se është ndarë nga i dashuri i saj. Big Mama ka sqaruar se ajo nuk kishte planifikuar asnjë dasmë dhe në këtë mënyrë nuk mund të kishte as anulim të saj. E ftuar në “Thumb”, Big-u na tregoi se ajo nuk e ka pasur në plan që të martohej, por më e rëndësishmja: ajo sot është “single”. Këngëtarja u shpreh se ishte në një marrëdhënie, shumë e lumtur dhe mbi të gjitha shumë e dashuruar, por kjo tashmë i përket së shkuarës. Kjo marrëdhënie nuk ka shkuar ashtu siç duhet, për këtë arsye më e mira ka qenë që t’i jepte fund. “Unë s’kam thënë që do të bëj dasmë, e kisha pranuar vetëm se jam në një lidhje. As nuk do ketë dasmë. Nuk jam më në një marrëdhënie. E provova, nuk shkoi aq mirë dhe kaq”, ka rrëfyer Big Mama.
Stresi dhe Kejsi
Ishte shtator kur reperi i njohur Stresi foli për herë të parë për lidhjen e tij 3-vjeçare me gocën e lagjes, Kejsin. Sipas tij, e ëma e Kejsit, ia kishte besuar Stresit vajzën, për ta ruajtur në lagje para tre vjetësh. Kjo, edhe për faktin se Kejsi, siç tregon Stresi, është një vajzë e cila e mban shumë veten dhe bie shumë në sy. Me kalimin e kohës, duke e “ruajtur”, Stresi e dashuroi dhe… ajo gjithashtu. “Ne shkonin shumë mirë si fqinj, Kejsi është shumë e mbajtur, është vetëm 22 vjeçe, unë jam 31 vjeç, kështu që thashë më mirë të ketë një burrë talent si unë… “, u shpreh reperi para pak javësh në Top Shoë. Por javën që shkoi reperi publikoi nëj status tepër dyshues, ku shkruante: Mori Fund! A ka përfunduar kjo histori dashurie? Ne dyshojmë se po, dhe Stresi nuk e ka mohuar dyshimin tonë.
Olsi dhe Fjorentina
Dashuria e tyre ishte më e përfolura falë xhelozive të Fjorit dhe sjelljes së Olsit. Por pasi dolën jashtë nga shtëpia, e BB, Olsi dhe Fjorentina na lanë të kuptojmë se dashuria e tyre ishte më shumë se lojë dhe se ishin edhe më të afërt jashtë. Fotot e tyre së bashku në rrjetet sociale, dhe madje edhe takimet me familjarët e njëri-tjetrit na bënë të mendonim se lidhja po merrte formë serioze. Por ata i dhanë fund lidhjes së tyre shumë shpejt. Të dy kanë fshirë nga rrjetet sociale fotografitë që kishin së bashku duke ngritur shumë dyshime. Nuk dihet nëse bëhet fjalë për një femër tjetër në jetën e Olsit, por postimet e Fjorentinës të bënin të dyshoje: “Gjurëmt e një luaneshe nuk mund t’i fshijë një mace e lodhur”.
Musa dhe Dona
Pas Olsit dhe Fjorentinës, edhe një çift tjetër nga Big Brother 9 i ka dhënë fund romancës së nisur disa muaj më parë. Çifti u njohën në Big Brother. Por largimi i Musës para pak kohësh në Itali e ka bërë edhe më të vështirë funksioninim e lidhjes me Donën. Nga postimet në Instagram dhe Instastory të Donës, gjithçka është mjaft e qartë, edhe pse modelja nga Mirdita nuk ka dashur që të ndajë hollësi me fansat e saj. Pas shumë pyetjeve të fansave për lidhjen me Musën, Dona ka shkruar: “Sepse kaq ishte, faleminderit për besimin të gjithëve. Ju falënderoj me zemër.” Nga kjo deklaratë, është e qartë që lidhja e tyre ka marrë fund. Secili prej tyre tashmë postojnë foto nga jeta e re larg njëri-tjetrit. Dona vijon me projektet e saj të modelingut, ndërsa Musa me jetën e re në Itali. Edhe pse, në të vërtetë, akoma dy të rinjtë e ndjekin njëri-tjetrin në rrjetet sociale.
Damiano dhe Armela
Një nga çiftet më të dashur dhe më të komentuar të Big Brother 9, Damiano dhe Armela janë ndarë pak kohë pas daljes nga shtëpia më e famshme në Shqipëri. Ashtu siç e tregoi vetë Damiano, ata vendosën që të rinisnin lidhjen e tyre nga zero jashtë shtëpisë së BB9, por mesa duket zgjati shumë pak. Një status i Damianos në llogarinë personale në “Instagram” ka sqaruar se ata nuk janë më bashkë dhe nuk mund të qëndrojnë me njëri-tjetrin vetëm për hir të mbështetësve pasi siç thotë ish-banori, ata janë po aq të thjeshtë sa fansat, prej mishi e gjaku. Ai i ka kërkuar falje Armelës, të cilën sipas tij e ka lënduar, dhe ka sulmuar drejtpërdrejt Donjetën, ish-partneren e tij në lojë, që dyshohet të jetë përgjegjësja e ndarjes së çiftit.
Bernardi dhe Xheni
Lidhja e tyre zgjati më shumë nga çiftet e tjera të Big Brother. Ata madje morën pjesë edhe në “Dance ëith me”, por rrugëtimi në këtë program u mbyll shumë shpejt, pasi dyshja vendosën të ndaheshin. Pas ndarjes së tyre dhe largimit nga “Dance with me”, Xheni u largua drejt Italisë, ndërsa Bernardi po vazhdon jetën e tij në Tiranë. Postimet e fundit të Bernardit në rrjetet sociale tregojnë se banori nuk e harron dot kollaj Xhenin. Vetëm pak ditë më parë ai postoi një foto ku ai tregonte kupat e fitores që kishte marrë me Xhenin në “Dance with me”, ndërsa sot i ka shpallur pikërisht dashurinë. Bernardi shihet duke kënduar në makinë këngën e Xhensilës “High love”, teksa shkruan “Ti je my…” dhe vazhdimi i tekstit të këngës është :…my love.
