Pas largimit nga posti i drejtorit të Informacionit në Top Channel të Sokol Ballës, ka ardhur konfirmimi zyrtar nga televizioni.
Në një publikim të fundit, Top Channel thotë se Balla vazhdon emisionin Top Story, por nuk do të drejtojë më Informacionin.
“Sokol Balla largohet nga detyra e drejtorit të Informacionit të Top Channel. Gazetari Endri Xhafo do të jetë i komanduar në këtë detyrë për një periudhë të pacaktuar kohore ende. Ndërkohë, Sokol Balla do të vazhdojë të drejtojë programin e tij Top Story si zakonisht nga e hëna në të enjte në orën 21:00,” thuhet në lajmin e TCH.
