Koncepti i “virgjërisë” femërore ka një histori të ndërlikuar, që shpesh ka qenë (gabimisht) e lidhur me faktin nëse himeni i një femre është prekur ose jo. Gjakderdhja pas marrëdhënieve mendohej të ishte një provë e humbjes së virgjërisë dhe prova që një grua nuk kishte pasur marrëdhënie seksuale më parë.
Realiteti, megjithatë, është se himeni i një femre nuk ka të bëjë aspak me aktivitetin tuaj seksual. Sa për të kuptuar nëse himeni është çarë ose jo, është pothuajse e pamundur ta shihni vetë.
Himeni është një membranë e vogël brenda vaginës që ndryshon nga një femër te tjetra, pra nuk është krijuar në mënyrë të barabartë. Ka shumë gjëra të ndryshme nga marrëdhëniet seksuale, që mund të çajnë këtë membranë, si kalërimi, biçikleta, gjimnastika, përdorimi i tamponave, dhe masturbimi. Disa gra madje lindin edhe pa himen. Më poshtë do të njiheni me disa mite dhe fakte të tjera rreth virgjërisë:
Virgjëria nuk provohet nga gjakderdhja ose mungesa e saj
Ndërkohë që disa gra përjetojnë gjakderdhje në herën e tyre të parë gjatë seksit, ka dhe nga ato që nuk kanë gjakderdhje fare. Pra gjakderdhja në herën e parë është një mit, dhe nuk ndodh në të gjitha rastet.
Nuk mund ta shihni himenin
Edhe nëse himeni juaj është i paprekur, ju nuk do të jeni në gjendje ta shihni. Megjithatë nëse jeni kuriozë dhe doni të eksploroni, ai ndodhet rreth 1-2 centimetra brenda hapjes vaginale.
Himeni është i hapur te të gjitha femrat
Himeni ka hapjen e tij që ndihmon në gjakderdhjen gjatë menstruacioneve dhe sekrecioneve të tjera. Në përgjithësi, kjo hapje është në formë hëne, por ndryshon nga një femër te tjetra. Disa kanë hapje shumë të vogla, dhe disa madje kanë hapje të mëdha në himen. Dy për qind e të gjitha femrave lindin me një himen të mbyllur, që kërkon operacion për t’a hapur, në mënyrë që të lejojë gjakderdhjen.
Nuk duhet të provosh nëse je e virgjër ose jo
Nuk mund ta provosh virgjërinë tënde dhe as nuk duhet të japësh prova për këtë. Mënyra më e mirë për t’i vërtetuar dikujt që je e virgjër është t’i thuash “po” ose “jo”, dhe kjo sërish varet nga ju.
Ju keni kontrollin e aktivitetit tuaj seksual
Ka disa probleme të mëdha me konceptin e “humbjes së virgjërisë”. Kjo nënkupton se nuk është në kontrollin tuaj. Nëse humbni telefonin, a është ky një vendim i ndërgjegjshëm? Jo! Ne duhet të ndryshojmë mënyrën se si flasim për herë të parë për dikë që ka kryer marrëdhënie seksuale. Gjëja më e rëndësishme është të mbash veten të sigurt dhe të bësh diçka të mirë. Mos u nxito dhe mëso të kuptosh se çfarë është e rehatshme për ty dhe trupin tënd dhe çfarë po ndodh atje poshtë. Dhe për më tepër, mos u shqetësoni për himenin tuaj, ose mungesën e tij.
