Prej kohësh presim që shqiptaret Rita Ora dhe Bebe Rexha të sjellin një bashkëpunim muzikor dhe gjasat janë që kjo gjë do të ndodhë shumë shpejt.
Një gazetar i huaj ka bërë një postim në Twitter ku tregon se në janar të vitit të ardhshëm Rita Ora, Bebe Rexha dhe Charli XCX do të vijnë me një projekt që do të titullohet “Girls”. Sipas gazetarit ky bashkëpunim është konfirmuar edhe nga ‘Big Top 40’, klasifikimi i famshëm britanik.
Sa i përket vajzave asnjëra nga ato nuk është prononcuar mbi këtë fakt, duke na lënë akoma të hamendësojmë. Megjithatë, edhe pak kohë na ndan nga janari i vitit të ardhshëm dhe shumë shpejt do të mësojmë të vërtetën nëse ky bashkëpunim do të ndodhë apo jo.
