Blerësit në dyqanin “Zara” gjetën shënime të pazakonta në rrobat e tyre nga punonjësit, që pretendojnë se nuk janë paguar.
Me një vlerë prej 8.6 miliardë paund dhe me më shumë se 2.200 dyqane në mbarë botën, “Zara” mund të jetë një nga markat më të suksesshme të modës në botë, por përsëri shitësit me pakicë e gjejnë veten të përfshirë në polemika.
Kjo ngjarje ka ndodhur në Stamboll, ku njerëzit kanë gjetur shënime të shkruara me dorë nga punëtorët turq, shënime të cilat janë gjendur në xhepat e rrobave.
Në copëzat e letrave shkruhet se punëtorët nuk janë paguar prej muajsh!
Kjo nuk është hera e parë që “Zara” vendoset në një situatë të tillë, pasi dhe më herët është paditur për kushtet e këqija të punës, për shfrytëzimin e refugjatëve sirianë nën moshën 15-vjeçare, etj.
Por, pavarësisht kësaj vetëm muajin e kaluar kompania mëmë e “Zara”-s, “Inditex”, publikoi një deklaratë për shtyp duke deklaruar përkushtimin e saj për të punuar me sindikatat e punonjësve (International Labour Organisation). Kësaj kompanie do t’i akordohet një fond i cili do të përdoret për të gjitha problemet e lartpërmendura e jo vetëm.
Burimi: The Independent
