Moderatori Labinot Tahiri-Labi, sapo u kthye nga Arabia Saudite, ku ishte për të realizuar edicionin e radhës të emisionit të tij të së dielës “1 Kafe me Labin”.
Labi vetëm pak javë më parë u martua me partneren e tij prej vitesh, Qëndresa Bajramin, me një dasmë madhështore me shumë të ftuar VIP dhe që u komentuan shumë nga mediat.
Nëpër intervista, moderatori ka treguar se është njeriu i surprizave, të cilat janë të shpeshta për bashkëshorten e tij. Mirëpo kësaj radhe ka qenë Qëndresa ajo që ka vendosur të bëjë surprizën e parë pas dasme.
Një dhomë e mbushur me qirinj, petale trëndafili dhe çokollata në shtrat ishin detajet që Qëndresa ishte përkujdesur për të surprizuar Labin.
