Tashmë nuk është një sekret që Jennifer Lawrence është një nga fanset më të mëdha të serialit “Keeping Up With The Kardashians”.
Pasi e zbuloi këtë, Kim e ftoi menjëherë aktoren e njohur në shtëpinë e nënës së saj, ku ndodhën edhe disa gjëra të pakëndshme. Vajzat e zbuluan këtë gjë në emisionin e Jimmy Kimmel Live, ku Kim ishte e ftuar dhe u intervistua nga Jennifer.
Aktorja pranoi se piu shumë atë natë, bashkë me nënën e Kim, Kris Jenner, për të cilën Kim tha se “nuk e kisha parë të pinte aq shumë ndonjëherë”.
Më pas aktorja kishte shkuar në gardërobën e Kardashian dhe kërkoi që ta vishnin.
“Më kujtohet që u zhvendosa në gardërobën e nënës tënde dhe urdhërova të më veshësh. Dhe ti më veshe me mjeshtëri. Dukesha mahnitëse”.
Por me sa duket, aktorja nuk kishte nevojën e ekspertizës së modës nga Kim Kardashian. Ajo në fakt i kërkoi Kim-it që ta vishte Kanye West:
“Kështu që i thashë mirë dhe u ktheva përsëri, kur shoh që ajo ishte plotësisht e zhveshur”, u përgjigj Kim.
“Kështu që më duhej të kthehesha dhe t’i thoja atij (Kanye West) të mos ngjitej lart.
Pastaj aktorja veshi një nga fustanet e nënës së Kim dhe dukej mahnitëse gjatë gjithë mbrëmjes.
Burimi: Daily Mail
