Deputetja e PS-së Elisa Spiropali ishte e ftuar dje në emisionin “Opinion” për të folur për “Gratë mes karrierës dhe familjes”.
Elisa nënë e një vajze të vogël është shprehur se nuk është një amvisë e mirë. Ajo e pranoi publikisht se nuk dinte të gatuante apo të hekuroste, por që së fundmi ishte duke bërë përpjekje për të mësuar më tepër rreth këtyre impenjimeve familjare.
Spiropali tha se është tepër e ngarkuar për sa i përket punëve të saj ndaj edhe nuk i mbetet shumë kohë që të mund të angazhohet më tepër me punët në shtëpi.
“Nuk jam nga ato që gatuaj edhe hekuros, por kam respektin më të madh për ato që e bëjnë këtë. S’kam qenë ndonjëherë, kam ikur që 16 vjeç në Kanada në kolegj dhe jam mësuar keq”: tha Spiropali.
Kujtojmë që Elisa Spiropali ka qenë në krye të Doganave në mandatin e parë të qeverisë Rama, ndërsa tani është deputete e rrethit të Kolonjës.
