59-vjeçarja, Sharon Stone ka mahnitur me kopertinën e re të revistës “Haute Living”, ku shfaqet e veshur me një fustan Dolce & Gabbana e fotografuar nga Frederic Auerbach.
Në një rrëfim ekskluziv për revistën, 59-vjeçarja e nominuar për “Oscar” refuzoi haptas të kishte bërë ndërhyrje estetike për të mbajtur bukurinë e sharmin e saj të përhershëm.
“Oh Zoti im. Unë mezi gjej kohën për t’u larë”, tha aktorja.
“Unë përdor kremra të mirë dhe përpiqem të debiloj këmbët kur kujtohem. Më pëlqen të ushtrohem dhe të punoj, gjëra që unë mendoj se janë çelësi i shëndetit të mirë. Dhe natyrisht unë ha shëndetshëm”.
“Unë vallëzoj, bëj yoga, pilates, notoj, luaj me fëmijët e mi, ngas kuaj, shkoj në plazh, çfarëdo që ndodh – më pëlqen të lëviz”.
Ambasadorja e amfAR mezi po pret që të vizitojë Zvicrën muajin e ardhshëm me tre djemtë e saj – Roan, 17 vjeç; Laird, 12 vjeç; dhe Quinn, 11 vjeç – të cilët i ka adoptuar në vitin 2000, 2005 dhe 2006.
