Sensacioni i klasifikimeve muzikore, Dua Lipa, ka reaguar ndaj lajmeve të rrema se ajo ka qenë në lidhje me Harry Styles, Calvin Harris dhe Chris Martin, duke i cilësuar këto spekulime si “seksiste”.
Këngëtarja 22-vjeçare ka publikuar hitin e saj më të ri muzikor “Neë Rules”, i cili flet për një ish-të dashur.
Në një intervistë të dhënë për revistën “ES”, ajo ka thënë: “Është budallallëk. Sapo u ndava nga i dashuri im, me mashkullin e parë që më fotografonin, bëhej menjëherë një histori. Madje edhe kur isha unë me të dashurin tim dhe Harry, u aludua se isha në lidhje me Harry-n. A ka mundësi që të mos flasin më për këtë gjë?”.
Ajo u shpreh se pushimet e saj me familjen u prishën nga fotografët.
“E urrej. Ishte kaq bezdisëse. Ndihesha e pafuqishme. Unë nuk dija të reagoja. Kur jam në pushime me prindërit e mi, nuk dua të mundohem për asgjë. Kur pashë fotografitë, isha, “Zot, ndihem sikur duhet të bëj diçka”. Nuk jam këtu për t’u dhënë shfaqje paparacëve”, u shpreh këngëtarja shqiptare.
Burimi: Evening Standard
