Regjisori i njohur Tony Montana ka akuzuar publikisht për abuzim seksual aktorin e “House of Cards”, Kevin Spacey. Kjo deklaratë e tij ka ardhur menjëherë pas akuzës që aktori Anthony Rapp bëri në drejtim të Spacey-t një javë më parë.
Montana ka thënë se ngjarja ka ndodhur në vitin 2003 gjatë kohës kur ai ka qenë në një bar bashkë me yllin e filmave dhe disa miq të tyre.
“Shkova për të porositur një pije dhe pashë Kevin pas meje që më ngacmonte me duar dhe kërkonte që të shkoja me të diku.”- ka thënë regjisori.
Tony ka deklaruar se për të nuk ka qenë e lehtë që ta bëjë publike këtë gjë edhe pse e ka shqetësuar shumë. Mesa duket ai e ka gjetur guximin pas akuzave që bëri edhe aktori Anthony Rapp.
Pas skandalit është pezulluar sezoni i gjashtë i serialit “House of Cards” dhe gjithashtu aktorit i janë tërhequr disa çmime të rëndësishme që ai ka marrë gjatë karrierës së tij.
