Të hënën gazetarja Adelajda Xhamani u përcoll për në banesën e fundit, pas ndarjes nga jeta në mënyrë të dhimbshme dhe të papritur për të gjithë.
Familjarë, miq dhe kolegë shkuan në Kavajë për t’i dhënë lamtumirën e fundit. Por dy njerëz të rëndësishëm si vëllai dhe motra e gazetares nuk ishin të pranishëm në varrim.
Sipas Gazetës Panorama, ata janë emigrant në Gjermani dhe nuk kanë mundur të vijnë në varrimin e së motrës.
Ndërkohë sot ka dalë edhe autopsia me rezultatet paraprake të mjekësisë ligjore, sipas të cilës nuk rezulton të ketë pasur ndonjë komplikacion të shkaktuar nga ataku kardiak.
Në trupin e 31-vjeçares nuk janë ka pasur shenja dhune, nuk ka pasur as bllokim të rrugëve të frymëmarrjes shenja injeksioni apo të përdorimit të alkoolit para vdekjes.
Burime nga Mjekësia Ligjore thanë dje se Adela mund të ketë ndërruar jetë si pasojë e avancimit të ndonjë sëmundje për të cilin ajo nuk kishte dijeni.
“Nga autopsia dhe ekspertiza paraprake nuk hasëm ndonjë komplikacion që varion nga epilepsia. Mendojmë se ajo mund të ketë pasur probleme të tjera shëndetësore, si luhatjet e tensionit, anemia, leucemia, apo të tjera shqetësime, për të cilat ajo nuk kishte dijeni”, thanë burime nga Mjekësia Ligjore.
