Michelle Hunziker flet për herë të parë për të shkuarën e saj të errët, kur moderatorja ishte pjesë e një sekti, për të cilin braktisi edhe bashkëshortin e saj, Eros Ramazzoti.
“Ata më thamë se burri im ishte negativ për mua, por unë e doja shumë atë. Kur Erosi më vuri përpara zgjedhjes ose mua ose ata, unë zgjodha ata”, shprehet Hunziker në një intervistë e cila do të transmetohet në televizionet italiane më 4 nëntor.
Prezantuaja u bë pjesë e këtij sekti pa e kuptuar edhe vet. “Nuk e dija as vet si u bëra pjesë. Ata për të më pasur nën kontroll më mbajtën larg nga dashamirësit e mi. Më ndaluan telefonatat, nuk mund të flisja as me nënën time, të cilën nuk e pashë për 4 vjet”.
Michele rrëfeu se udhëheqësi zvicerian e dënonte duke e ndëshkuar dhe duke e lënë vetëm, gjë kjo e cila ndikonte në uljen e vetëvlerësimit.
“Unë u dënova, më lanë të vetmuar, më ulën vetëvlerësimin duke më thënë se unë nuk kisha asnjë talent dhe se unë isha e suksesshme sepse unë kisha hyrë në këtë rrugë shpirtërore. U largova nga agjencia ime dhe më bindën për hapjen e një kompanie të re të financuar tërësisht nga unë. Sigurisht që pagova për të gjitha deri në momentin që vendosa të largohesha nga sekti.”, tregon prezantuesja.
Kërcënimet ndaj Hunziker nuk kishin kufi. Ata kishin arritur deri aty sa i kërcënonin jetën.
“Clelia më tha që nëse do të largohesha unë do të isha e vdekur”.
Për rrëfimin e plotë të prezantueses duhet të presim emisionin “Verissimo” në 4 nëntor.
Burimi: TGcom
