Moderatorja Floriana Garo ka publikuar foton e parë shtatzënë. Si gjithmonë e buzëqeshur, por me rroba më të gjera se zakonisht, moderatores i shkon shumë shtatzënia.
Moderatorja, e cila aktualisht ndodhet në Zvicër, ka konfirmuar se është shtatzënë dhe pret një fëmijë me avokatin Enis Daci.
Ende nuk dihet gjinia e fëmijës, pasi Floriana është në muajt e parë të shtatzënisë, por me siguri që në vijim do të kemi lajme të tjera mbi këtë pritje të ëmbël.
Larg impenjimeve dhe jetës së kryeqytetit moderatorja na tregon se po jeton një periudhë qetësie, që me siguri i jep mundësinë t’i shijojë ditët e shtatzënisë.
Në fotot e publikuara në “Instagram”, moderatorja simpatike duket tepër në formë dhe si gjithmonë e buzëqeshur, ndërsa shenjat e shtatzënisë kanë nisur të shfaqen.
