Kjo e enjte ka qenë një ditë e veçantë jo vetëm për Lori Hoxhën, por edhe për këngëtaren Enca Haxhia, e cila ka festuar 22-vjetorin.
Gjatë gjithë kohës, ajo ka publikuar foto dhe video në “Instagram”, ku shfaqet me një bluzë me dekolte të hapur dhe pantallona të zeza.
Ndryshe nga Lori, e cila e festoi 24-vjetorin në një club luksoz, me muzikë e shumë të ftuar, Enca e priti 22-vjetorin në shtëpi me tre vetë që janë shoqëria e ngushtë.
Në video shfaqen dy meshkuj dhe një vajzë që besohet se është shoqja e ngushtë e Encës. Ambienti i dekoruar me tullumbace duket mjaft komod, ndërsa pamjen e zbukuron një tortë gjigante me një kurorë në krye.
Surprizë e veçantë ka qenë edhe një urim i vendosur në rrugën “Myzlym Shyri”, “King Enca Baby”, aty ku bëhen të gjitha urimet për ditëlindje.
Gjithsesi, festimet e 22-vjetorit nuk do të ndalen këtu për Encën, e cila pritet të mblidhet në darkë me të afërm dhe shoqëri për “ta djegur”.
