Këngëtarja vlonjate, Aurela Gaçe feston sot ditëlindjen, dhe ora 00:00 e ka gjetur aty ku e gjen gjithmonë, në skenë duke kënduar.
Edhe pse Aurela ishte “në krye të detyrës”, bashkëshorti i saj Skerdi e surprizoi duke u ngjitur në skenë së bashku me Aurelën, ku dhe kanë kënduar para qindra njerëzve këngën “Shpirt i shpirtit tim”.
Këtë këngë Aurela ja ka dedikuar Skerdit, dhe madje e ka kënduar edhe në ditën e tyre të dasmës, para qindra të ftuarve.
“Unë akoma s’e besoj që kjo ndodhi sepse Skerdi nuk do që të dali kurrë në kamera dhe unë jam nga ato femra që nuk para i shpreh hapur ndjenjat. Siç e shikoni bëj si garipe që të mbuloj atë të mirën që është brenda, por sot e patë vet pse unë jam dashuruar me këtë djalë”, u shpreh Aurela e emocionuar.
