Ajo njihet për jetën luksoze që bën, veshjet markë, pushimet e shtrenjta dhe ndërhyrjet estetike. Këtë e tregon vazhdimisht në postimet e saj në “Instagram”, ku ndan me fansat foto nga jeta e përditshme.
Morena Taraku, ka treguar në një postim të fundit, se vetëm buzëkuqi i kushton plot 1000 dollarë.
“Kur buzëkuqi kushton 1000 dollarë nuk ke kohë për të qarë”, shkruan Morena, teksa publikon një foto profesionale duke lyer buzët.
Prej një viti, mediat shkruajnë se, Morena është bërë një nga femrat më të pasura të showbizzit, pasi edhe pse është shumë e re, ajo ka një shtëpi personale, makinë luksoze, gardërobë super të shtrenjtë, dhe pronë apo aksesorë që kushtojnë.
Jetën e saj të luksit e pasqyron në mënyrë të vazhdueshme në postimet e ndryshme që bën në profilet, që ka në rrjetet sociale. Morena deri tani ka deklaruar si pronë një butik, një nga më të shtrenjtët në Kosovë. Në media është përfolur shumë mënyra e shpejtë e pasurimit të këngëtares, por ajo ka dëshmuar se të gjitha i ka arritur me punë.
