Fotoja e aktores së humorit, Rudina Dembacaj, e veshur si nuse krah deputetit të PD-së në Korçë, Ervin Salianji, “pushtoi” mediat online dhe të gjithë donin të dinin arsyen.
Pavarësisht se tashmë është kthyer në traditë përsëritja e ceremonisë martesore pas disa vitesh, por nuk është rasti i aktores pasi krah saj nuk ishte bashkëshorti i saj, por deputeti.
Moderatorja e ka nisur kështu puntatën e parë të emisionit të saj “Mos i fol shoferit”, ku edhe tregoi arsyen:
“U vesha nuse, sepse të jesh nuse je në modë, je “in”. Duhet të investosh për të qenë “in”. Sepse sot nuk ka rëndësi se çfarë je, por është e rëndësishme se çfarë shet. Dhe të ta dini ju miq të dashur, unë doja t’ju respektoja, sepse një herë është puntata e emisionit. Investova që t’ju respektojë. Që ta dini ju dhe portalet, fustani im është qëndisur nga mjeshtër artizanë kinezë, është qëndisur me guaska origjinale nga “Deti i Vdekur” edhe orizi që kam zgjedhur vjen nga Kina, është qëruar nga duart e vogla të japonezëve”.
Po Salianji? Deputeti i PD-së ishte i ftuari i parë në “Mos i fol shoferit”.
