Rasti i vetëm i një personazhi shqiptar që ka zvogëluar gjoksin është ai i Çiljeta Xhilagës, të paktën që është bërë publike. Por a lë shenja ky operacion?
Modelja dhe personazh i njohur “reality-show”, Stassi Schroeder tregoi shenjat e ndërhyrjes për zvogëlimin e gjoksit. 29-vjeçarja iu nënshtrua këtij operacioni në 2015-n.
Ajo postoi dje në “Instagram” një foto ku i duken shenjat e ndërhyrjes në pjesën e poshtme të gjoksit. Stassi rrëfeu se fotografët donin t’ia hiqnin ato me Photoshop, por ajo s’kishte pranuar.
Edhe pse njerëzit me të cilët dilte për t’u njohur kishin shprehur çudi kur i kishin parë shenjat, Stassi i quan ato diçka për të mos u turpëruar.
“Kur isha single vitin e shkuar fillova të njihja njerëz dhe normalisht, gjendesha në intimitet me ta dhe ata më pyesnin: “Çfarë është ajo?”, dhe mbaj mend që në momentin e parë më kapte sikleti”, tregoi ajo për “People”.
Por ajo thotë se ndihet krenare, sepse ndërhyrja për zvogëlimin e gjoksit ishte një zgjedhje e saj. Dhe përveç kësaj, pas ndërhyrjes gjoksi i saj është më i ngritur dhe më në formë, sepse ka më pak peshë.
“Tani nuk vesh më reçipeta, sepse jam shumë e lumtur që kam gjoks të vogël dhe sepse thithkat nuk i kam të rëna. Është një ndër vendimet më të mira që kam marrë”, thotë modelja.
