Edhe pse kanë kohë që janë bashkë dhe kanë edhe një vajzë 2-vjeçare, Miriam Cani dhe Alban Skënderaj nuk e kanë kurorëzuar dashurinë e tyre shumëvjeçare në martesë.
E ftuar në emisionin e mëngjesit në “Wake Up”, Miriam Cani u shpreh se planet për martesë janë diskutuar shpesh mes çiftit, por ende nuk po gjejnë kohën e duhur.
“Në fakt, e kemi diskutuar shumë herë gjatë këtyre viteve. Por në radhë të parë, duhet të gjejmë kohën, sepse kemi patur shumë angazhime gjatë këtyre dy viteve. Ne jemi edhe tipa të tërhequr, nuk jemi shumë për të krijuar gjithë këtë zhurmë.”, u shpreh ajo.
Cani shpjegoi se martesa për të duhet të vijë e natyrshme, dhe ende s’e kanë ndier ta bëjnë diçka të tillë. Përveç kësaj, pas 10 viteve bashkë dhe një fëmije, nuk do të ndryshonte asgjë. Megjithatë, Miriam Cani shprehet se kjo nuk do të thotë se nuk do të ketë martesë.
“Një gjë është e sigurt: një ditë do të bëhet. Por nuk na ka ardhur akoma ajo ndjesia, pra që të vijë natyrshëm. Në jetën tonë private, nuk na ndikon fare”.
Miriam Cani do të kthehet në ekran pas 2 vitesh mungesë si pjesëtare e jurisë dhe trajnere e “The Voice Kids”.
