Vetëm 5 muaj më parë ajo publikoi këngën e saj më të re “S’je ai mo” dhe duket se ishte e fundit për Zanfina Ismaili.
Këtë e bëri të ditur këngëtarja gjatë një interviste për “Express Rozë”, ku tregoi se do të shkëputet nga muzika dhe do t’i dedikohet me kohë të plotë profesionit si juriste.
“Merrem me muzikë që prej moshës 4-vjeçare. Po më vjen edhe keq që po e them, por llogarit sa shumë vite kam në këtë profesion. Ia di hilet, lodhjet, streset e kënaqësitë kësaj pune, por dua ta lë si hobi. Muzika ka mbetur si pjesë e qejfit tim. Kështu si e kam vendosur po ndihem mirë”, u shpreh këngëtarja nga Kosova.
Tashmë na mbetet t’i rikthehemi këngëve të vjetra të Zanfinës.
