Pas dasmës së motrës dhe pushimeve në Xhamajkë, tashmë ka ardhur momenti që Luana Vjollca t’i rikthehet punës.
Moderatorja pritet të jetë në ekran me një program mbrëmjen e së shtunës, por jo vetëm kaq. Pak kohë më parë ajo njoftoi se do të niste koncertet në klubet e natës, por ndoshta shumë prej jush nuk e besuan.
Për të na e dëshmuar këtë ishte edhe një poster koncerti, që mbahet në Luzernë të Zvicrës ditën e shtunë, ku do të performojë edhe Luana së bashku me Cozman e Skivin nga Babastars dhe Vig Poppa grupimi i artistëve të kryesuar nga Geti, kunati i Luanës.
Do të jetë pak a shumë edhe një mbledhje miqsh ajo mbrëmje, ndërkohë që klubi i natës e prezanton Luanën si një nga vajzat më të bukura të Shqipërisë në njoftimin për koncertin.
Epo normal që të gjithë duan disa komplimente, ndoshta për t’u frymëzuar për të dhënë një shfaqje, më të mirë. Ne jemi kuriozë të dëgjojmë si do të këndojë ajo!
