“Mos më ngacmo në pikën time të dobët”, ishte kjo përgjigja e Marina Vjollcës, kur Ermal Mamaqi e pyeti se si mundi të linte Manushin vetëm në “Procesin Sportiv”.
Dhe në fakt marrëdhënia e tyre ishte aq harmonike në televizion, sa vështirë se mund të gjesh një dyshe që shkojnë aq shumë.
Vetë Manushi e ka pranuar që e ndjen mungesën e Marinës, tani që ajo është larguar në televizionin Klan. I pyetur në emisionin ‘Wake Up’ nëse e ka ndjerë mungesën e Marinës, Manushi u përgjigj:
“Me thënë të drejtën më mungon. Janë 10 vite bashkëpunim. Shkoj tani në zyrë dhe ajo nuk është aty. Marina ka bërë edhe emisione të tjera, por pjesën më të madhe të karrierës televizive e ka pasur tek ‘Procesi Sportiv”, u shpreh moderatori i njohur, i cili ende nuk e ka gjetur zëvendësuesen e Vjollcës në emisionin e tij..
