Ajo ka qenë një ndër konkurrentet më të pashme të Big Brother, dhe lajmi që Françeska Jaçe ka bërë ndërhyrje në hundë, u prit me habi nga të gjithë ata që e njihnin.
Ish-banorja e ‘Big Brother Albania’, ka publikuar disa foto kur ishte në moshën 15-vjeçare. Ajo e ka nisur rrugëtimin drejt “modelingut” që në moshë të vogël dhe ka marrë pjesë në konkursin e modeleve të zhvilluar disa vite më parë, të quajtur ‘Albania’s Next Top Model’.
Në fotot e publikuara Jaçe shihet duke pozuar në mënyrë provokuese, ndërsa tiparet e saj janë mjaft të rregullta, aq sa mund të shtrosh pyetjen: Po hundën përse e bëri?!
Vetë Françeska është shprehur se ka qenë e fiksuar për ta realizuar këtë ndërhyrje:
“Isha e fiksuar, doja ta bëja, por kisha edhe mish të huaj dhe vendosa. E kisha të nevojshme, por edhe fiksimi i moshës…”.
Hunda e re i ka dhënë një pamje krejt tjetër bukuroshes, e cila është tashmë e vetëdijshme për transformimin pas ndërhyrjes. Megjithatë fiksimi i saj për të arritur perfeksionin e ka shtyrë drejt ndërhyrjes aspak të nevojshme.
