Gruaja e ve e Hugh Hefner, Crystal Harris, theu heshtjen pas vdekjes së bashkëshortit në moshën 91-vjeçare, themeluesit të “PlayBoy”.
Modelja 31-vjeçare ishte gruaja e tretë e Hefner dhe ato u njohën në vitin 2009. Hugh njoftoi se ata ishin të fejuar një vit më vonë.
“Nuk kam qenë në gjendje për t’i falënderuar shumë persona për ngushëllimet e tyre. Jam zemërthyer. Ende nuk më besohet. Ai u varros të shtunën dhe është në vendin ku donte të kalonte përjetësinë”, tha Crystal në një deklaratë për “People”.
“Ai ishte një hero amerikan. Një pionier. Kishte një zemër të dashur dhe të përulur, i cili i hapi jetën dhe shtëpinë e tij botës. Ndjeva sesa shumë më donte. E desha kaq shumë. I jam kaq mirënjohëse. Më dha jetë. Ai më dha drejtim. Ai më mësoi mirësinë. Do të ndjehem përjetësisht mirënjohëse që kam qenë pranë tij, duke i mbajtur dorën dhe duke i treguar atij sesa shumë e dua. Ai e ndryshoi jetën time, ai e shpëtoi jetën time. Ai më bëri të ndihem e dashur çdo ditë. Ai ishte një dritë në botë, një forcë ndryshe nga çdo gjë tjetër. Nuk ka dhe kurrë nuk do të ketë një tjetër Hugh M. Hefner”, u shpreh ajo.
“Bashkohem me botën në zi. Ju falënderoj për të gjitha ngushëllimet tuaja”, përfundoi ajo deklaratën e saj. “Për njerëzit që lënë ndjenja në derën e përparme, ne ju shohim dhe brengosemi me ju”.
Pavarësisht se ajo nuk do të marrë asgjë nga trashëgimia e lënë nga Hugh Hefner, për shkak të marrëveshjes paramartesore që vejusha 31-vjeçare pati firmosur, ajo do të përfitojë nga vdekja e themeluesit të “PlayBoy” 5 milionë dollarë kesh dhe një vilë me vlerë 7 milionë dollarë.
Burimi: JustJared
