Në fillim ishte Ermali ai që i bëri një pyetje Albi Nakos “A e bën ҫiҫin në dush?”, pyetje kjo që moderatori Kelvi Kadilli mendon se e ka ekskluzive dhe se Mamaqi e ka kopjuar atë.
I pyetur për këtë gjë, Ermali bëri sikur nuk e njihte Kelvin: Kush është ky?!
Pas komentit të Ermal Mamaqit, Kelvi Kadilli, bëri një reportazh ku krahasoheshin lojërat e emisionit “Xing me Ermalin” me lojërat në emisione të ngjashme të huaja, si “Jimmy Fallon Show”, apo “Ellen Degeneres Show”.
Madje ai nuk u mjaftua me kaq, por nisi të shpërndante videot e shkëputura nga emisioni, në profilin e tij në “Instagram”.
Me siguri e pret një përgjigje nga Ermali, edhe pse ky i fundit pritet të reagojë në emisionin e radhës “Xing me Ermalin”.
