Janë disa gjëra që nuk duhet t’i mbani në tualet. Ja cilat dhe arsyet:
Makijazhin
Si rregull i parë, makijazhi duhet të mbahet në vende me temperaturë ambienti, ndaj nuk është mirë të vendosen në tualet për shkak të temperaturave të ndryshueshme.
Ilaçet
E kuptojmë se i thonë “kabineti i ilaçeve”, mirëpo në udhëzimet e tyre shkruan se duhet t’i mban larg lagështisë dhe në temperaturë dhome. Ilaçet nëse nuk ruhen në vende të freskëta dhe të thata, mund të humbin efektin e tyre.
Elektroniket jo-rezistente ndaj ujit
Pëlqeni të dëgjoni muzikë ndërsa bëni dush? Duhet të dini se lagështia i dëmton mjetet elektronike.
Brisku i rrojës
Mos e shkatërroni briskun tuaj të rrojës para se ta veni në përdorim. Pjesët shtesë mbanjini larg banjës që të evitoni ekspozimin ndaj avullit dhe lagështisë, gjëra që i bëjnë të ndryshken. Varianti tjetër është t’i mbani në qese plastiku që e bllokojnë depërtimin e lagështisë.
Stolitë
Ndoshta e harroni varësen e preferuar në tualet, pasi e keni hequr para dushit, mirëpo mos e bëni shprehi vendosjen e stolive në tualet për të njëjtat arsye sikurse tek brisku i rrojës. Niveli i lartë i lagështisë e përshpejton procesin e oksidimit në stolitë tuaja.
Manikyri i thonjve
Nëse dëshironi që manikyri juaj i thonjve të zgjasë më shumë, atëherë mos e vendosni në tualet, ku temperaturat janë të ndryshueshme. Në vend të kësaj, vendoseni në vende me temperaturë ambienti, gjë që nënkupton edhe shmangien e frigoriferit.
