Ishte fustani i bardhë, buqeta, torta, emocioni i 70 të ftuarve, festa, nuk mungonte asgjë në martesën e Laura-s, përveç… dhëndrit. Kjo është historia e vërtetë e një 40-vjeçare nga Italia, e cila u martua me veten në një ceremoni tradicionale. Ceremonia s’mbart asnjë peshë ligjore e pavarësisht kësaj, është një trend me popullaritet në rritje në Europë.
“Besoj me gjithë zemër që të gjithë duhet ta duam veten tonë,” tha Laura Messi, trajnerja e martuar me veten. “Mund të jetosh si në përralla edhe pa princin.”
Laura tregon se ideja e një dasme vetëm i lindi para dy vitesh, kur marrëdhënia e saj 12-vjeçare mori fund:
“U thashë miqve dhe familjes sime që nëse nuk do ta kisha gjetur shpirtin tim binjak deri në ditëlindjen e 40, do të martohesha me veten. Nëse një ditë njoh dikë me të cilin mund të planifikoj të ardhmen time, do të jem e lumtur. Por lumturia ime nuk varet nga ai.”
Laura është gruaja e parë italiane që martohet me veten. Në maj, një burrë i quajtur Nello Ruggiero u celebrua me veten e tij në Napoli. Ndërsa në Japoni, janë hapur agjenci që ofrojnë ceremoni martesore për vajzat beqare. Martesa e parë solo, ose sologamia, daton në vitin 1993. Është bërë pjesë e librave dhe serialeve të ndryshëm, përfshirë “Sex and the City” dhe “Glee”.
Përveç urimeve, në postimet e Laura-s ka dhe komente të cilët i shkruajnë se “e ka lënë mendja” dhe se “e gjithë kjo është shumë e trishtë”.
Burimi: Robadadonne.it
