Ditën e djeshme martesa e Joleza Kokës me të dashurin e saj prej vitesh Laert Kola mbushi të gjitha portalet onlien. Ish- kryetarja e FRESSH u përfol se së bashku me të fejuarin e saj, aktivistin e njohur ishin martuar në një ceremoni të zhvilluar në Las Vegas, por mesa duket ky lajm nuk ka qenë i vërtetë.
“Jo, nuk kemi bërë dasmë në Las Vegas!”, shkruan Joleza, por duke mos mohuar faktin se ajo tashmë është martuar.
Gjithashtu ajo ka bërë një reagim të ashpër për disa media, të cilët keqpërdorën foton e saj me kryeministrin e Kosovës Ramush Haradinaj të bërë teksa ky i fundit ishte në Strasburg kur nuk i lejohej të kalonte përtej kufirit francez.
“Cila është arsyeja që Kryeministri i Kosovës pritet nga fotografia? Çfarë janë këto sjellje antishqiptare të këtyre ‘kanaleve anonime’ të komunikimit publik? Faqe me qindra mijëra ndjekës që në çdo sekondë të ditës na bombardojnë me fakte se sa të pa zotët, të pa ditur e të pa drejtë na qenkan shqiptarët. Cilët janë njerëzit pas këtyre faqeve? Cili është misioni i tyre? I bëj thirrje autoriteteve të bëjnë publike pronësinë dhe qëllimin e ekzistencës së këtyre faqeve që nisën si satirike por vetëm për të qeshur nuk bëjnë.
Kjo fotografi është bërë në Strasburg kur zotit Haradinaj nuk i lejohej të kalonte përtej kufirit francez. E mbani mend kur të gjitha forumet rinore u bashkuam e protestuam për lirimin e tij. Jam shumë krenare për punën vullnetare që kam bërë dhe njëkohësisht shumë e bezdisur nga lajmet e rreme që publikoni çdo ditë duke detyruar lexues të panjohur të marrin guximin dhe të më dërgojnë të tilla mesazhe. Dhe Jo, nuk kemi bërë dasmë në Las Vegas!”, shkruan Joleza.
