Ajo ishte vetëm 13 vjeçe kur bukuria e saj, që karakterizon femrat mesdhetare dhe fiziku elegant, u spikat nga agjencia e modelingut “ICON Agency”. Ndërsa hyri shumë shpejt në fushën e modës në tregun shqiptar, Alesia Noka u përfshi përmes agjencisë në sfilatat dhe projektet më me rëndësi.
Më pas modelja 18-vjeçare vendosi të provonte edhe aftësitë e saj në aktrim si portagoniste në videoklipin e këngës së Brunos, “Ajo”. Hiti i prillit të 2016-s nxori në pah anën sensuale dhe joshëse, por gjithmonë larg vulgaritetit.
Ish-modelen e “Icon Agency” tashmë e kemi parë në klipet muzikore të artistëve të njohur si, Noizy, Gena apo Alban Ramosaj. Dhe vetëm pak kohë më parë u zbulua nga fotografi Endrit Mërtiti se, Alesia është modelja më e paguar në Shqipëri, e cila ka arritur të fitojë 8 mijë dollarë në dy muaj punë.
Tashmë fama e saj duket se ka kaluar kufijtë shqiptarë. Vet modelja ndau ditën e djeshme në “InstaStory” një foto, në të cilën shfaqej emri i Rita Orës.
Të gjithë ata që kanë “Instagram” e kuptojnë që kjo gjë nënkupton që këngëtarja shqiptare me famë botërore, jo vetëm që ndjek modelen në rrjetin sociale, por edhe ka parë postimin e saj.
Mund ta marrim si një ogur të mirë për karrierën e modeles shqiptare.
Burimi: Iconstyle.al
