I ka kënduar dashurisë në mënyrën e tij, por reperi shqiptar nuk na është dukur ndonjëherë tip romantik. Për të sqaruar njëherë e mirë për të gjithë fansat dhe median, Stresi vendosi të publikojë foton e personit që e quan “jetë” dhe dashurinë e tij të vetme.
Në dy foto të ndryshme të publikuara në “Instagram”-in e tij, Stresi shkruan, “Kjo këtu është jeta ime” dhe “Kjo është dashuria ime dhe e vetme”.
Vajza në foto është brune, por paraqitja e saj nuk përkon me fotot e publikuara më parë nga rrjetet sociale, me të cilën u përfol se ishte në një lidhje.
Duke u bazuar te postimet e mëparshme të këngëtarit, vajza bukuroshe e ka emrin Klea dhe ata janë së bashku prej disa muajsh. Ajo që na bëri paksa përshtypje në këtë foto është se Klea mban një unazë në gisht dhe menjëherë menduam se çifti i ka bërë gjërat zyrtare.
Ndjekësit e reperit, i urojnë çiftit të martohen dhe të trashëgohen. Pas dasmës së Getoarit, duket se Stresi mund ta ketë më me shumë dëshirë një celebrim të atillë.
Burimi: Instagram
