Ndryshimet ndër vite të të famshmëve shqiptarë janë të dukshme dhe për fansat nuk është aspak e vështirë të dallojnë ndërhyrjet. Pavarësisht se zgjedhja është e tyre, shumë e mohojnë që të kenë bërë operacione plastike.
Por kjo blogere shqiptare sapo theu tabunë e ndryshimeve në fytyrë për t’u ndjerë mirë dhe pranimit të tyre publikisht.
Egreis Gjergjani është tashmë nënë e tre fëmijëve dhe dizajnuese e veshjeve për fëmijë të dyqanit të saj në SHBA, ku jeton prej vitesh.
Pavarësisht kësaj, të gjithë ata që e ndjekin në “Instagram” e dinë shumë mirë që ajo nuk i ka humbur traditat shqiptare .
Disa ditë pasi pranoi se e dashuronte veten me të gjitha defektet dhe ndryshimet që kishte bërë për ndryshimin e hundës, tashmë vendosi që të bënte heqje të rrudhave dhe t’i risillte fytyrës së saj freskinë që të marrin vitet.
“Vizitova doktorin për të bërë pak botoks dhe mbushje. Jo shumë, thjesht mjaftueshëm për t’u ndjerë e freskët”, shkroi Egreis tre ditë më parë krah fotos.
Pak javë më parë ajo pranoi para 466 mijë fansave të saj se ka defekte në fytyrë që nuk i pëlqejnë, por që ka filluar ta dojë veten ashtu siç është.
“Kam një fytyrë të gjatë, hunda ime anon në të majtë, është e shtrembër edhe pas një ndërhyrjeje në hundë, dhëmbët e mi janë më të vegjël se ato të djalit 3-vjeçar dhe buza ime e sipërme thuajse nuk ekziston. Jam asimetrike, prandaj rrallë bëj foto duke parë drejt e në kamera, por sa më shumë rritem, po mësoj ta dua. E shtrembër e të gjitha këto, është fytyra që familja ime e do deri në vdekje dhe s’do ta ndryshonin për asgjë në botë”.
Blogerja sapo na dëshmoi sërish se nuk ka asnjë problem që të kujdesesh për veten sipas mënyrës së gjithsecilit pa u interesuar për opinionin e të tjerëve.
Burimi: Iconstyle.al
