“Apple” ka prezantuar dje 3 smartfonë të rinj, iPhone X, iPhone 8 dhe iPhone 8 Plus pas një dekade nga dalja në treg e iPhone-t të parë.
Risia më e madhe është iPhone X, që ka një ekran më të madh dhe nuk ka një buton fizik “home”. iPhone X përdor sistemin e njohjes së fytyrës për të identifikuar zotëruesin dhe jo gjurmën e gishtit.
“Apple” thotë se “FaceID” mund të funksionojë edhe në errësirë, duke përdorur 30 mijë pika infra të kuqe për të kontrolluar identitetin dhe është shumë më i vështirë të manipulohet, krahasuar me sistemin e vjetër “TouchID”.
Ky është smartfoni më i shtrenjtë i “Apple” deri më tani. Një model me kapacitet 64 GB do të kushtojë 999 dollarë kur të dalë në shitje më 3 nëntor, ndërsa versioni 256 GB do të ketë një çmim prej 1.149 dollarësh.
Pikërisht këto cilësi të reja janë vendosur vetëm në iPhone X duke e bërë iPhone8 jo edhe aq të paparë në krahasim me iPhone7.
Përveç çmimit që sigurisht është i jo i përballueshëm për të gjithë, në rrjetet sociale janë publikuar “meme” që tallin risitë që ka sjellë iPhone 8.
Krahasimi i iPhone 7 me iPhone 8 është thuajse absurd. Përpos pamjes, dy smartfonët janë thuajse identikë. E vetmja risi është që falë kapakut të pasëm prej qelqi, iPhone 8, iPhone 8 Plus dhe iPhone X mund të karikohen me “WiFi”.
Sa i përket ekranit, iPhone 8 është shumë i ngjashëm me iPhone 7. Të dy janë të disponueshëm me panele LCD me 11,9 cm dhe 13.97 cm me një rezolucion Retina.
iPhone 8 fillon nga 699 $ për 32GB dhe 799 $ për 128GB. iPhone 8 Plus fillon nga 799 $ për 64GB dhe 899 $ për 128GB. Kjo lidhet me çmimet e ngjashme të iPhone 7 kur u lançua në 2016-n.
Burimi: Iconstyle.al
