Ndërsa uragani Irma ka kaluar në nivelin e një stuhie tropikale, ndërsa kalon përmes Floridës së Veriut, është bëri bilanci i viktimave me të paktën 4 persona që humbën jetën në Florida dhe 27 në Karaibe, sipas “The NewYork Times”.
Të paktën 5.8 milionë njerëz janë pa energji elektrike në Florida, pasi erërat e forca të stuhisë rrëzuan linjat energjetike në të gjithë shtetin.
“Ne po bëjmë gjithçka që mundemi për të marrë ushqim dhe ujë në të gjithë shtetin”, tha Guvernatori i Florida-s, Rick Scott për “The New York Times”. “Më e rëndësishmja duhet të shpëtojmë çdo jetë dhe duhet të sigurohemi që njerëzit të kuptojnë se është ende e rrezikshme”.
Jemi shumë larg, por kjo nuk do të thotë që nuk mund të jepni një ndihmë sado të vogël për të prekurit e katastrofës natyrore:
Dhuro për viktimat në Karaibe dhe Florida
Ishujt Karaibe duke përfshirë St Martin, Barbuda dhe Shën Barts, si dhe Porto Riko dhe Kubën morën goditjet më të rënda nga uragani Irma. “Unicef” dhe “GlobalGiving” aktualisht po marrin donacione për të ndihmuar mtë prekurit, ndërsa “GoFundMe” ka një faqe të dedikuar për fushatat specifike për njerëzit e prekur nga stuhia në Karaibe dhe Florida.
Doni të jeni vullnetar?
Duhet të dini që vullnetarët do të nevojiten për shumë muaj dhe vite në të ardhshmen. Nëse jetoni në Amerikë ose jo, por doni që të ndihmoni të prekurit e uraganit shikoni mundësitë që janë në Florida apo Porto Riko.
Dhuroni për strehimin e kafshëve
Në Karolinën e Jugut është ngritur një “strehimore emergjence gjigande” për më shumë se 600 kafshë. “The Best Friends Animal Society” dhe “South Florida Wildlife Center” po marrin donacione.
Burimi: Harper’s Bazaar
