Pak ditë pas publikimit të spotit që prezanton sezonin e ri në televizionin Klan, u vu re se videoja e publikuar në ” Youtube “, është fshirë.
Kanali zyrtar i televizionit ka publikuar sërish spotin në datën 3 shtator, por këtë herë me një ndryshim të madh.
Bëhet fjalë për moderatoren bukuroshe Marina Vjollca, e cila shfaqet me një tjetër pamje, në spotin e ri, shumë ndryshe nga ai i pari.
Ndërkohë që në videon e parë, Marina shfaqej me kaçurrela, flokët e ndarë në mes dhe buzët e kuqe, në videon e dytë ajo shfaqet me flokët me onde të lehta dhe një dekolte të zezë.
Me sa duket bukuroshes bionde nuk i ka pëlqyer vetja herën e parë, përderisa videoja është fshirë dhe është ripublikuar me një ndryshim në look-un e saj.
Marina flitet se do të prezantojë një spektakël muzikor të ngjashëm me Taratata, që Armand Shkullaku ka menduar ta importojë nga televizioni francez ku që prej vitit 1993 shfaqet në France 2.
Ky program do t’i japë Marinës rolin kryesor në prezantim, ndryshe nga përvoja e mëparshme kur ajo ishte shoqëruesja e Edi Manushit në programin sportiv.
