Ai do domosdoshmërish të hyjë në botën e të famshmëve botëror, për këtë e ndihmojnë zgjedhja e vendeve prestigjioze dhe udhëtimet.
Pavarësisht se Oni Hysenbelliu është trashëgimtar i një prej televizioneve dhe gazetave më të mëdha vendase, ai shpesh zgjedh që të bëjë jetën e luksit përmes udhëtimeve larg kufijve shqiptarë.
Pas lidhjeve me personazhet publikë shqiptarë, Oni zgjeroi shoqërinë me të famshmit e huaj, si Pamela Anderson, ndërsa qëllimi i tij duket se është të shoqërohet me femra shumë të njohura për të gjithë.
Pas Pamela Anderson, ai është fotografuar në jahtin e një nga këngëtareve më të njohura, Nicole Scherzinger.
“DailyMail” publikoi disa foto të këngëtares amerikane në një jaht në Ibiza, ku përkrah saj ndodhej Fatmir Hysenbelliu, me syze dhe kapele të kuqe.
Ky i fundit nuk është përmendur në asnjë pjesë të shkrimit, ndërsa cilësohet bashkë me njerëzit që e shoqëronin këngëtaren si “grupi”.
Sipas medias ndërkombëtare, Nicole i ka bërë pushimet pa të dashurin e saj, yllin e tenistit, Grigor Dimitrov. Çifti pushoi muajin e kaluar në Capri.
Burimi: Daily Mail
