Edhe pse kanë një diferencë moshe të konsiderueshme, vajza e madhe, tashmë adoleshente, dhe e vogla ende në kopsht, për Blendi Fevziun, vajzat janë si dy shoqe.
I ftuar në emisionin e Rudinës, ai rrëfen edhe për bisedat e “shopping”-ut që ka filluar të bëjë me vajzën e madhe, për bluzat, për xhinset, tipike për moshën e Mishelit.
Megjithatë, gazetari i njohur i Tv Klan, vazhdon të theksojë se më shumë se gjërat materiale, ai do të donte që të bijave t’u linte diçka me më shumë vlerë:
“I kam thënë se do mundohem që ti të udhëtosh në sa më shumë vende të botës, që të kesh një pasuri shumë më të madhe se pasioni i “shopping”-ut apo i gjërave të tjera të moshës…”
Po vajza e vogël, Alis? Për momentin, ajo e sheh Blendin si partner në lojë:
“Për momentin, jam partneri i saj në lojë. Kush më sheh me të, më thotë “bobo, paska rrjedhur”, aq shumë argëtohem me të. Bëjmë çdo gjë bashkë, shkojmë nga fusha për të luajtur, natyrisht kjo pjesa e verës ka qenë më atraktive…”, thotë Blendi duke shpresuar se, një ditë, edhe së voglës, nëse do të mundet fizikisht, do t’i injektojë pasionin e tij për udhëtimet, ashtu siç ka bërë me Mishelin dhe ka rezultuar me sukses:
“Shpresoj që nëse ajo do të jetë kurioze dhe unë do të jem fizikisht i mundur, do të doja shumë ta shoqëroja nëpër udhëtime të gjata kjo është pasuria më e madhe që një baba mund t’u lërë fëmijëve të tij një vizion sa më të madh dhe më të prekshëm për botën…”.
/Class
