Kylie Jenner nuk është shoqe e ngushtë me motrën e saj supermodele. Që kur ka filluar “reality-show”, “Life Of Kylie”, kanë filluar të dalin histori jo dhe aq të këndshme për bukuroshen 20-vjeçare dhe motrën e saj Kendall.
Këtë herë Kylie tregoi për problemet që dy “vogëlushet” e familjes Kardashian-Jenner kanë pasur me njëra-tjetrën.
“Ne kemi opinione të ndryshme. Ne bëjmë gjithçka në mënyrë të ndryshme. Është kaq interesante”, ishin fjalët e saj, duke shtuar që marrëdhënia e tyre është shpeshherë e tensionuar.
Megjithatë, ajo thotë gjithashtu se kur janë në publik shkojnë mirë “shumicën e kohës”. Kujtojmë se në vitin 2015 ata u panë duke u zënë në “Keeping Up with the Kardashians”, me Kendall që në një pikë tha se ndonjëherë e “urren” motrën e saj të vogël.
