Dhjetëra ndryshime janë përfolur në televizionet shqiptare, me nisjen e sezonit të ri. Mes të tjerëve, emri i Erion Isait, aktori i njohur i spektaklit të humorit “Portokalli”, është përfolur disa herë, madje ka pasur aludime se mes tij dhe regjisorit Altin Basha ka pasur konfikte.
Nuk dihet nëse ka qenë apo jo kjo arsyeja, por aktori i spikatur për një sërë rolesh në Portokalli ka vendosur ta përmbyllë rrugëtimin e tij në këtë spektakël dhe në Top Channel. Lajmin e ka konfirmuar vetë Isai në profilin e tij zyrtar të Facebook duke falënderuar të gjithë bashkëpunëtorët që ka pasur gjatë këtyre viteve.
