Një film shqip nominohet për herë të parë për në “Oscar”. Kosova feston nominimin e saj të parë në një nga ngjarjet më të rëndësishme të kinematografisë botërore.
Filmi “Shok”, një bashkëprodhim kosovaro-britanik nominohet për të fituar statujën e artë në kategorinë e filmit më të mirë të metrazhit të shkurtër. Ai është përzgjedhur si një nga pesë prodhimet më të mira në mbrëmjen e ndarjes së çmimeve Oscar, në 28 shkurt në Los Angelos.
Me regji dhe skenar të Jamie Donoughe dhe producentë Eshref Durmishi e Harvey Ascott, “Shok” është mbështetur financiarisht nga Qendra Kinematografike e Kosovës.
I cilësuar si bileta e parë për “Oscar”, filmi trajton temën e luftës në Kosovë në fillim të viteve ‘90. Është historia e miqësisë së dy djemve, që vihet në provë teksa bëjnë betejen e tyre për t’i mbijetuar luftës mes shqptarëve të Kosovës dhe serbëve.
Aktorët Fisnik Ademi, Aurita Agushi, Andi Bajgora, Eni Cani e të tjerë janë të gjithë nga Kosova.
Ky konkurim përbën një hap të madh, tashmë që Akademia Prestigjoze e Çmimeve Oscar i hap dyert filmave kosovarë.
