“Atë propozimin e ulur në gjunjë e me unazë nuk e kam marrë…”. Kështu u shpreh Xhensila pak muaj më parë në një intervistë për mediat. Edhe pse dasma ishte vendosur tashmë, për këngëtaren e njohur, propozimi i ulur në gjunjë kishte mbetur një ëndërr në sirtar.
Marrëdhënia e gjatë me Besin tashmë ishte konsoliduar dhe ajo tashmë nuk e kishte problem nëse kjo ditë nuk do të vinte, por Besit ia kishte dërguar disa herë mesazhin. Ajo e donte atë propozim që përralla të ishte e vërtetë. Dhe Besi, jo vetëm e ka marrë sinjalin, por edhe e ka vënë në jetë.
Ja ku zbulohet sonte. Pak ditë më parë, kur çifti janë nisur në Itali në bregun mahnitës të liqenit të Como-s në Itali, pikërisht aty, në vilën Carlotta, Besi i është ulur në gjunjë nuses së tij të ardhshme dhe vetëm pak ditë para dasmës i ka zgjatur unazën dhe i ka propozuar martesë.
Gjithçka duket komike, në fakt, por si mund të jetë ndryshe kur personazh është Besi? Xhensila tha PO? E kishte thënë prej kohësh tashmë…
