“Look What You Made Me Do”, kënga më e re e Taylor Swift është shndërruar padyshim në një hit të momentit.
Edhe pse ka vetëm dy ditë që është publikuar, ajo ka marrë plot 51,464,240 klikime në kanalin zyrtar në Youtube, më tepër edhe nga kureshtja. Në këtë klip bukuroshja është “hakmarrë” ndaj “armiqve” si Kim Kardashian dhe bashkëshortit të saj Kanye West, ish- të dashurit DJ Calvin Harris, ish- mikeshës Katy Perry.
I gjithë klipi është i përbërë nga mesazhe të fshehta, mesazhe këto që “Daily Mail” i ka deshifruar.
Një “thumb” për ish- miken e saj Katy Perry
Taylor dhe ylli i muzikës pop Katy Perry ishin shoqe deri në vitin 2011. Kjo marrëdhënie mori fund kur Katy u lidh me ish- të dashurin e këngëtares amerikane, John Mayer. Në videon e re, Taylor shfaqet si Katy brenda një makine duke mbajtur në dorë një çmim Grammy, kjo për arsye se Katy Perry është nominuar 13 herë, por nuk ka fituar asnjë, e ndërsa bukuroshja ka fituar plot 10 të tillë.
Përqesh ish- të dashurin Tom Hiddleston
Taylor Swift ka qenë në një lidhje me yllin e “Night Manager”, Tom Hiddleston. Aktori 35- vjeçar u fotografua duke “mbytur me puthje Taylor në një plazh në muajin qershor. Marrëdhënia e tyre arriti kulmin kur Tom u pa me një kanotiere ku kishte të shkruar “I love TS”.
Sa kujtim i turpshëm për Tom, që donte të ishte si një agjend i 007.
Një pllakë varri për ish të dashurin Calvin
Një Taylor si zombie ngrihet nga të vdekurit. Por shikoni emrin në gurin e varrit në të majtë: Nils Sjoberg. Ky është pseudonimi që ajo ka përdorë kur shkroi së bashku me DJ Calvin Harris hitin “This Is What You Came For”, (e kënduar nga Rihanna dhe jo ajo). Kjo gjë u bë e ditur vetëm pasi Taylor dhe Calvin u ndanë. Sot duket se ajo e ka varrosur vërtet këtë marrëdhënie, të paktën këtë kuptojmë.
Skena në vaskë, mesazh i dyfishtë
Taylor Swift fitoi gjyqin ndaj ish- presidentit të radios amerikane David Mueller sipas së cilës ai e kishte prekur tek të pasmet gjatë një fotoje. Ajo i kërkoi atij një dëmshpërblim vetëm një dollarë. Edhe Mueller kishte ngritur një padi për të duke kërkuar nga gjykata plot 2.3 milionë funte pasi e kishin pushuar nga puna për shkak të këtij incidenti. Me skenën në vaskë, ku është totalisht e zhveshur, por e mbuluar me diamante ka dashur të tregojë se vendimi i gjykatës ka qenë thjesht një fitore për të, nuk donte para. Në krah të saj vihet re 1 dollarëshi i marrë nga Mueller. Gjithashtu kjo skenë është parë edhe si një hakmarrje për Kim, pasi ylli i reality show ra pre e grabitjes teksa ishte në Paris vitin e kaluar. Grabitësit i morën diamante dhe e lidhën atë në një vaskë.
Taylor, mbretëresha e gjarpërinjve sipas Kim
Skena me gjarpërinjtë i dedikohet totalisht Kim Karadashian. Sipas Kim-it dita që kishte debatuar me këngëtaren amerikane ishte dita ndërkombëtare e gjarpërinjve, duke e akuzuar se ishte e pabesë. Në video ajo prezantohet si mbretëresha e gjarpërinjve.
“Hakmarrja” për Kanye
Në vitin 2009 Taylor Sëift, mundi Beyoncen duke rrëmbyer një çmin në MTV 2009. Gjatë marrjes së çmimit Kanye doli në skenë duke thënë se ajo nuk e meritonte aspak dhe se çmimin duhet ta fitonte Beyonce. Në atë kohë Taylor e fali atë, por sot ia rikthen sërish në vëmendje me shumë finesë duke i treguar arritjet e saj. Hakmarrja shërben në një pjatë të ftohtë, kot nuk thonë.
“Godet” gjigandët e internetit
Pak kohë më parë Taylor akuzoi iTunes dhe Spotify (vini re ekranin e informacioneve të koduara në sfond) se po “grabisnin” paratë e saj, duke u lëshuar njerëzve muzikën e saj falas. Pas përplasjes me të, ITunes ndryshoi politikën e tyre dhe e ndaloi transmetimin e muzikës së saj në 2015, ndërsa me Spotify arriti një zgjidhje këtë vit.
