Bleona më në fund publikoi diçka nga jeta e saj e momentit, ndërsa shfaqet e lumtur në krah të 23- vjeçarit, Stanaj që jeton në New York të Shteteve të Bashkuara të Amerikës.
“Mbretëresha dhe Princi! Krenare për ty, shpirti Stanaj!, shkruan ajo në Instagram.
Pas eksperiencës në Shqipëri si anëtare jurie e spektaklit “Your Face Sounds Familiar Albania”, Bleona i është rikthyer SHBA-ve, ku jeton prej vitesh. Nuk dihet se çfarë e lidhi me Stanajn në këtë festë mesnate, i cili pak muaj më parë ishte në Tiranë në finalen e “The Voice of Albania”.
Stanaj, i cili po shijon një sukses ndërkombëtar me projektet e tij muzikore “Ain’t Love Strange” dhe ”Romantic”, performoi “live” në Tiranë dy këngët e tij të suksesshme në skenën e “The Voice”. Artisti i muzikës pop arriti kulmin e tij këto dy vite, ndërkohë që është një nga djemtë më simpatikë që shfaqet në festat më të rëndësishme të muzikës, siç ishte në festën e “Warner Music”, i njëjti eveniment ku u fotografua edhe Rita Ora.
