Ka shumë njerëz që kërkojnë në “Google” kuptimin e fjalës depresion. Ata që e bëjnë këtë dhe që duan të dinë më shumë, apo nëse kanë kuptuar diçka tek vetja e tyre, “Google” do të nxjerrë së shpejti një pyetësor për të vlerësuar nëse ata vuajnë nga sëmundja.
Gjigandi i kërkimit ka bërë partneritet me Aleancën Kombëtare të SHBA-ve për Sëmundjet Mendore për të ngritur projektin, që aktualisht është vetëm për përdoruesit në SHBA. Përdoruesit, që kërkojnë të dhënat për depresionin do të nxiten të zbulojnë nëse vuajnë nga depresioni klinik.
Pyetja do të shfaqet poshtë pjesës ku bëhet kërkimi. Në mënyrë tipike ky panel do përdoret për informacionin, duke përfshirë detajet e nxjerra nga kërkimet edhe në Wikipedia. Pyetësori i Shëndetit të Pacientit do sjellë rreth nëntë pyetjeve në lidhje me shëndetin mendor. Ndër pyetjet do jenë: Nëse përjeton ankth apo pakënaqësi në gjërat që bën, vështirësitë për t’u përqendruar në punë të ndryshme apo në gjëra të tjera si leximi i një gazete apo të shohësh televizor.
Duke folur për “Financial Times”, menaxherja e “Google” Vidushi Tekriwal tha se përgjigjet e përdoruesve nuk do të regjistrohen nga kompania dhe as reklamimi me historinë e tyre nuk do jetë në shënjestër të projektit.
Megjithatë, një psikoterapist tha se ideja dukej “paksa e tepërt”. “Dikush që kërkon mbi depresionin në ” Google ” nuk do gjejë më shumë informacion të dobishëm se sa ato që tashmë janë në rezultatet e kërkimit”, argumentoi Aaron Balick, autor i “The Psychodynamics of Social Netowrking”.
