Tendencat e modës mund të vijnë e të ikin stinë pas stine, por rregullat bazë mbeten të njëjta. Për shembull vajzat pak të kolme duhet të veshin të zezën. Ato të hollat ngjyra të çelëta, kurse ato jo shumë të gjatat, viza vertikale. Ky i fundit është një rregull universal që të vjen vërtet në ndihmë për të krijuar iluzionin e ca centimetrave më shumë. Dhe vajzat e njohura e përdorin këtë hile, madje ndonjëherë identike. Sidomos ato që në gjuhën universale të modës quhen “petite”, vajza të vogla në trup.
Lori Hoxha
Ajo është fashionista që i di sekretet. Ndaj edhe i përdor vizat vertikale shumë shpesh. Herë në këmisha e herë në stili i pizhameve, si në këtë rast, ku gjatësia e pantallonave mbulon tërësisht këmbën duke fshehur takën dhe duke i falur edhe më shumë gjatësi.
Arbana Osmani
E ka pak pikë të dobët gjatësinë edhe Arbana. E ka thënë disa herë në ato mënyrat e veta elegante dhe me gjysmë shaka. Por gabon rrallë në ato që zgjedh dhe e përdor veshjen shumë mirë si një armë për të zbutur çdo papërsosmëri.
Venera Lumani
Këngëtarja e imët por shumë e këndshme di se si ta lezetojë pamjen e saj. Me siguri ajo do mbetet gjithmonë vajza e vogël. Kështu duket edhe me këtë këmishë-robëdëshambër me viza të kuqe vertikale.
