Ish-ministrja e Arsimit, Lindita Nikolla, flitet se do të jetë përsëri pjesë e kabinetit “Rama 2”. Mbase jo në të njëjtën ministri, por në ndonjë post tjetër qeveritar.
Ndërkaq, ajo së bashku me bashkëshortin është fotografuar fundjavën e kaluar në Dhërmi, aty ku janë parë të bëjnë pushime pothuajse të gjithë ministrat dhe ish-ministrat e Ramës.
Nëse vitin e kaluar, Nikolla preferoi të pushonte brenda një resorti të qetë në Dhërmi dhe të lahej në pishinë, një vend disi më i rezervuar, kësaj here ka vepruar komplet ndryshe.
Nikolla ka preferuar detin, madje kur ka dalë që andej, ajo është shtrirë mbi gurët e plazhit, pa asnjë peshqir dhe mes njerëzve.
Nga ana tjetër edhe Klajda Gjosha ka qenë pothuajse çdo fundjavë në Dhërmi. Ajo është parë vazhdimisht me të shoqin, djalin dhe prindërit.
Edhe këtë fundjavë, Gjoshaj ishte në Dhërmi, ndërkohë që LRI është e stacionuar në plazhin e Jalës.
