Të gjithë qytetarët që shkelin rregullat e qarkullimit rrugor, do të gjobiten.
Policia Rrugore e Tiranës njofton se “gjatë 24 orëve të fundit por dhe në ditët e kaluara ka konstatuar se dhe nga qytetarët ka shkelje të shumta të rregullave të qarkullimit rrugor, ku qytetarët nuk respektojnë vijat e bardha, mbikalimet në ato vende ku ka, nuk respektojnë semaforin, apo nuk kontrollojnë rrugën për të kaluar nga një krah në krahun tjetër në ato vende ku mungon semafori”.
Në ditët në vijim, policia do të ndërmarrë masa ndëshkuese ndaj qytetarëve që nuk respektojnë rregullat e qarkullimit rrugor.
Sikundër do të intensifikojmë akoma më shumë masat në drejtim të parandalimit dhe ndëshkimit të atyre drejtuesve të automjeteve, që nuk respektojnë të drejtën e këmbësorëve në vijat e bardha, apo ku mungojnë vijat e bardha e semaforët dhe nuk i japin përparësi kalimit të këmbësorëve.
