Pas debatit që shkaktoi David Beckham dhe më pas Adrola Dushi që puthi djalin e saj në buzë, rasti është përsëritur sërish me një personazh të njohur.
Bëhet fjalë për këngëtaren Miriam Cani, e cila ka publikuar një foto në ” Instagram “, duke puthur vajzën Ameli.
Pas kësaj fotoje kanë vërshuar menjëherë komentet nga fansat, njëra prej të cilave shkruan: Nuk puthet fëmija në buzë!
Por Miriam nuk është ndjerë mirë nga ky koment dhe menjëherë ka replikuar: Vërtet! E kush e thotë këtë?
Flet psikologia
- Është e thjeshtë të kuptohet se, padashur, vetë së pari krijojmë një çoroditje te fëmija dhe së dyti, edhe një shteg për abuzime, sidomos ndaj fëmijëve me aftësi të kufizuara, të cilët për vetë moshën dhe sidomos për mungesën e aftësive për të dalluar rreziqet e çfarëdolloji, nuk arrijnë të bëjnë dallimin e veprimeve apo sjelljeve të të tjerëve ndaj tyre, ose të sjelljeve të tyre ndaj të tjerëve. Konkretisht, nuk arrijnë të kuptojnë se pse duhet ta puthë mamin në buzë dhe Verën jo.
- Një tjetër argument, që duhet patur në konsideratë për këto lloj puthjesh, është shëndeti i fëmijës, infektimi me mikrobe dhe viruse të ndryshme, që i madhi (prindi) mund të ketë.
Për të gjitha sa thashë, puthja e fëmijës në buzë është puthja më pa sens dhe krejt pa shpjegim. Aq sa kuptoj unë, dashuria e nënës, babait e gjyshërve, apo të tjerë të afërmve ndaj fëmijës së çfarëdo moshe ka vetëm një mënyrë përkujdesje dhe përqafime të ngrohta.
